Universiteti Mbretëror ILIRIA, si universitet modern ka përcaktuar si politikë prioritare të tijën nxitjen e botimeve shkencore si në formën e studimeve, librave, ashtu edhe në formën e revistave shkencore. Deri më tani Universiteti Mbretëror ILIRIA ka mbi 13 tituj të botuar në funksion edhe të mbarëvajtjes së procesit mësimor. Këta tituj janë edhe libra studimorë dhe jo vetëm libra mësimorë.

Universiteti Mbretëror ILIRIA, duke qenë një nga institucionet më të rëndësishme të arsimit të lartë në Kosovë dhe në detyrimin e tij ndaj studentëve për t'u ofruar atyre cilësi të lartë studimi por edhe për vetë faktin që po përgatit të ardhmen e Kosovës e cila do të jetë në shërbim të të gjithë shoqërisë kosovare, organizon aktivitete të ndryshme duke dhënë në këtë mënyrë kontributin e tij në këtë çështje të rëndësishme të formësimit të brezit të ardhshëm.