BallinaProgramet Apliko OnlineKontakti
 
 
Gjendeni këtu: Thank You USA 2018

Në Kolegjin ILIRIA: filloi manifestimi i 13-të “Ditët e falënderimit të Kosovës për SHBA-të”

Në Kolegjin ILIRIA, u hap manifestimi tradicional “Ditët e falënderimit të Kosovës për SHBA-të 2018”, me të cilin për 13-të vite rresht, Kolegji ILIRIA, me dhe Rinia Studentore e Kosovës, shprehin respektin dhe dashurinë ndaj SHBA-ve dhe popullit amerikan, për rolin të tyre të përhershëm, esencial dhe të pazëvendësueshëm, në pavarësimin dhe shtetndërtimin e Kosovës.

Edhë në manifestimin e sivjemë “Ditët e falënderimit të Kosovës për SHBA-të”, aktivitetet dhe veprimtaritë e ndryshme kulturore e artistike që zhvillohen përgjatë tri ditëve, prej 20 deri më 23 nëntor, i dedikohen lidhjeve e miqësisë shqiptaro-amerikane, në shenjë mirënjohjeje për mbështetjen që ka dhënë qeveria dhe amerikane dhe populli amerikan, për lirinë, pavarësinë e vendit tonë.

Presidenti i Kolegjit ILIRIA, Prof. Dr Mixhait Reçi, në hapje të këtij manifestimi tha se Kolegji ILIRIA është shumë krenar që për 13-të vite me radhë bashkë me Rininë Studentore, organizojnë manifestimi “Ditët e falënderimit të Kosovës për SHBA-të”, dhe foli më shumë rreth rolit të SHBA-ve, në shtetndërtimin e Kosovës, duke theksuar se popolli i Kosovës do t’i jetë përjetësisht mirënjohës SHBA-ve, për mbështetjen që i ka dhënë popullit tonë në momementet më kritike për ekzistecën e tij.

“Roli i SHBA-ve, për Kosovën është dhe do të jetë i përhershëm dhe i pazëvendesueshëm. Duke falenderuar Shtetet e Bashkuara të Amerikës, ne falenderojmë të githa shtetet demokratike që morën pjesë në krijimin dhe shtetndërtimin e Kosovës. Iniciativa e studentëve të Kolegjit ILIRIA është që përmes këtyre aktiviteti të shprehin respektin, dashurinë dhe falenderimin për popullin amerikan. Derisa amerikanët festojnë Thanksgiving Day, për të mirat dhe begatitë, shqiptarët falënderojnë popullin dhe qeverinë amerikane për përkrahjen e dhënë në ditët më të vështira të ekzsitencës së tyre. Ne këtë kurrë nuk duhet ta harrojmë”, tha Prof. Dr Mixhait Reçi

Në ditën e parë të manifestimit të madh tradicional “Ditët e falënderimit të Kosovës për SHBA-të 2018”, në kampusin e Kolegjit ILIRIA u hap edhe një ekspozitë me vepra të krijuesit të njohur, Fatmir Krypa, të cilit iu nda edhe një mirënjohje nga Kolegji ILIRIA.

Për veprën e grafistit dhe profesorit të njohur nga Prishtina, Fatmir Krypa, folën skulptori dhe piktori i njohur Luan Mulliqi, si dhe piktori i njohur nga Tirana Kujtim Buza, të cilët thanë se grafistin e njohur Fatmir Krypa e konsiderojnë, artist modern me shumë cilësi e veçanti.

“Në këtë ceremoni të madhe të falenderimeve, në këtë ambient kaq të veçantë, ndihem shumë mirë me kaq shumë artdashës present. Ndihem mirë të flas për profesorin tim, Fatmir Krypa, i cili tashmë i ka bërë 50 vite që është present në skenën e artit dhe pikturës, duke i ekspozuar grafikat e tij në shumë vende të evropës dhe botës. Me gjithë këto ekspozita, Fatmir Krypa ka arritur të marrë shumë shpërblime kombëtare dhe ndërkombëtare, poashtu për veprën e tij kan shkruar shumë studiues dhe kritikë të artit. Të gjitha veprat e Fatmirit kanë një përmbajtje. Ai më së shumti ka ditur mirë të frymëzohet nga trashëgëmia kulturore, por duke e paraqitur atë në një formë shumë moderne. Fatmiri vlerësohet të jetë një prej mjeshtërve grafistë më të mëdhenjë të artit tonë, tha Luan Mulliqi.

Manifestimi “Ditët e falënderimit të Kosovës për SHBA-të, korrespondon me Ditën e Falënderimit apo Thanksgiving Day, të cilën populli amerikan, bashke me rinën studentore dhe qytetarët e Kosovës e shënojnë dhe festojnë së bashku.

Në Kolegjin ILIRIA në kuadër të manifestimit “Ditët e falënderimit të Kosovës për SHBA-të”, u përurua libri “Rrëfime Lirie” nga Shaqir Salihu

Në Kolegjin ILIRIA me shumë aktivitete kulturore dhe artistike, po vazhdon manifestimi tradicional “Ditët e falënderimit të Kosovës për SHBA-të 2018”, manifestim tashmë tradicional me të cilin për 13-të vite rresht, Kolegji ILIRIA dhe Rinia Studentore e Kosovës, shprehin respektin dhe dashurinë ndaj SHBA-ve dhe popullit amerikan, për rolin të tyre të përhershëm, esencial dhe të pazëvendësueshëm, në pavarësimin dhe shtetndërtimin e Kosovës.

Pas ekspozitës me vepra të grafistit të njohur, Fatmir Krypa, e cila po vazhdon të qendorjë e hapur për publikun në kampusin e Kolegjit ILIRA përgjatë tri ditëve të manifestimit, u promovua edhe libri “Rrëfime Lirie - Shtegtimi i një mësuesi shqiptar nga burgjet serbe te Zëri i Amerikës”, i autorit Shaqir Salihu, ëndrrimtarit e idealistit të përjetshëm, punëtorit të palodhshëm për lirinë e pavarësinë e Kosovës, gazetarit e producentit shumëvjeçar të “Zërit të Amerikës”.

Akti solemn i promovimit të këtij libri, në kuadër të manifestimit: “Ditët e falënderimit të Kosovës për SHBA-të”, mblodhi në Kolegjin ILIRIA shumë miq e dashamirë të autorit, bashkëveprimtarë e bashkëmendimtarë të tij dhe dashamirë të librit.

Presidenti i Kolegjit ILIRIA, Prof. Dr Mixhait Reçi, në hapje të ceremonisë së promovimit të librit “Rrëfime Lire”, tha se Kolegji ILIRIA është shumë krenar që për 13-të vite me radhë bashkë me Rininë Studentore, organizojnë manifestimi “Ditët e falënderimit të Kosovës për SHBA-të”, dhe foli më shumë rreth rolit prijës të SHBA-ve, në shtetndërtimin e Kosovës, duke theksuar se popolli i Kosovës do t’i jetë përjetësisht mirënjohës SHBA-ve, për mbështetjen që i ka dhënë popullit tonë në momementet më kritike për ekzistecën e tij.

"Roli i SHBA-ve, për Kosovën është dhe do të jetë i përhershëm dhe i pazëvendesueshëm. Duke falenderuar Shtetet e Bashkuara të Amerikës, ne falenderojmë edhe Mbreterinë e Bashkuar, Gjermanine, Turqine, Francën si dhe të gjitha shtetet tjera demokratike që morën pjesë në çlirimin dhe shtetndërtimin e Kosovës", theksoi Prof. Dr Mixhait Reçi

Presidenti i Kolegjit ILIRIA, Prof. Dr Mixhait Reçi, tha se Kolegjii ILIRIA ka nderin të promovojë librin “Rrëfime Lire” të Shaqir Slihut, në kudarër të manifestimit tradicional “Ditët e falënderimit të Kosovës për SHBA-të”

“Sot kemi nderin të bëjmë promovimin e librit "Rrëfime Lirie” të autorit Shaqir Salihu, gazetar shumëvjeçar i “The Voice of America”, edicione të cilat kanë qënë shumë të veçanta për në, të dijmë çfarë thonë shqiptarët në Amerikë, çfarë thonë gazëtat atje për Kosovën etjerë. Gazetarët dhe publicistët në Amerikë, si Shaqir Salihu kanë lobuar shumë për Kosovën dhe shqiptarët”, tha Prof. Dr Mixhait Reçi.

Rektori i Kolegjit ILIRIA, Prof. Dr. Isak Shema, tha se libri “Rrëfime Lire” është shumë i vacant sa i përket realizimit tematik, përmbajtjes, mënyrës së trajtimit dhe realizimit në tërësi.

“Për një vepër që për shumë arsye zgjon interesimin e lexuesve për ta njohur më mire jo vetëm jetën e Shteteve të Bashkuara të Amerikës, por edhe organizimin shtetëror, kushtetues, veprimtarinë e gjithë asaj që e quajmë gazetari televizive dhe të radios. Libri i Shaqir Salihut ndërtohet në aspektin kompozicional në tri pjesë, ku përfshihen rrëfimet. Në tërë kapitujt rrëfimi në këtë aspekt paraqet idetë, mendimet, përvojën, përjetimet për atë që ka punuar dhe mësuar gjatë jetës së tij”, Prof. Dr. Isak Shema.

Ndërsa, gazetari i njohur dhe pedagou i gazetarisë, Behar Zogiani librin e Shaqir Salihut “Rrëfime Lirie - Shtegtimi i një mësuesi shqiptar nga burgjet serbe te Zëri i Amerikës” e përshkroi si një jetëshkrim prej të rrallëve”.

“Amerika është bërë me ne, për shkak të argumenteve si të Shaqir Salihut dhe krejt shqiptarëve të Amerikës që u kanë lobuar administratave amerikane për të ndihmuar këtë popull. Librin i Shaqir Salihut ka zbatuar dy norma profesionale të gazetarëve: thjeshtësinë dhe personifikimin. Ai ka përshkruar jetën se si jetojnë dhe veprojnë shqiptarët ne Amerikë. Tekstet e Shaqir Salihut janë aq të plota, të detajuara, të freskëta, të cilat kurdo që i lexoni keni keni përshtypjen se ato gjëra kanë ndodhur dhe janë shkruar dje”, tha gazetari dhe publicisti, Behar Zogjani.

“Shaqir Salihu, me përvojën e tij profesionale dhe jetësore, ka shkruar për jetën e tij nga një ngjarje në tjetrën, por me precizitetin më të madh ka arritur të prezantojë faktografinë e tërë jetës së tij, si gazetar e si idealist. Duket e pabesueshme, por në librin gati 600 faqesh, Shaqir Salihu askund nuk e cilëson veten patriot, nuk u thotë veprimeve të tij patriotike, por secilin veprim e sheh si detyrë për çlirimin e shqiptarëve dhe për ndërtimin e shteteve demokratike ku jetojnë shqiptarët’, shtoi Zogiani.

Ai e krahasoi librin e Shaqir Salihut me librin biografik të ish Sekretares amerikane të Shtetit, madeleine Albright. Ai tha se në të dy librat shihet aq qartë dashuria për atdheun dhe përkushtimi për liri e demokraci.

“Duke lexuar këtë libër gjen frymën e njëjtë që e ka libri i jetëshkrimit të ish Sekretares së Shtetit Madeleine Albright. Në të dy këto jetëshkrime, autorët vënë në pah shpirtin e tyre vullkanik që i detyron që gjatë gjithë jetës së tyre të punojnë me sa fuqi që kanë për t’u liruar vendet e tyre dhe për t’i bërë ato të forta”, theksoi Zogiani.

Edhe gazetari dhe publicist Shefki Uka, e vlerësoi lartë librin “Rrëfime Lirie”, duke e cilësuar autorin si një intelektual të guximshëm.

“Libri Rrëfime Lirie i autorit Shaqir Salihu, është shkruar në një gjuhë dhe fjalor tejet të kuptueshëm. Shaqir Salihu ka një guxim intelektual, i cili ka kontribuar që njerëzit të kuptojnë se çka është Zëri i Amerikës për shqiptarët dhe cilat porosi duhet t’ju përcillen amerikanëve për shqiptarët”, tha gazetari dhe publicisti Shefki Ukaj.

Të gjitha këto çka u thanë për librin e tij, përmes një videokonference, i dëgjoi autori i librit Shaqir Salihu nga Amerika, i cili pasi i dëgjoi të gjitha vlerësimet për librin e tij, mori fjalën, dhe tregoi por nuk foli për motivet që e kanë shtyrë ta shkruaj këtë libër, si dhe përvojën e tij në “Zëri Amerikës”.

“Roli i diasporës në pavarësimin e Shqipërisë dhe Kosovës është i jashtëzakonshëm, për çka ne çdoherë duhet të jemi falenderues. Në dekadat e mia në Amerikë, pata nderin të jem pjesë e punës së këtij komuniteti. Shqiptarët e Amerikës kanë qenë dhe janë një komunitet që mund të bëjnë edhe shumë për kombin, sidomos duke e ditur që çështja e shqiptarëve në ballkan ende nuk është zgjidhur”, tha autori Shaqir Salihu.

“Vendi i demokracisë amerikane, që është edhe më e madhja dhe më e konsoluduara në botë, është motivi që shtyn gazetarët që në një mënyrë apo në një tjetër, të tregojnë të vërtetën”, tha ai.

Pastaj ai tregoi çfarë ka jetuar dhe çfarë ka përjetuar gjatë punës në Shërbimin Shqip të “Zërit të Amerikës”.

“Nuk vuajta sa ç’ka vuajtur Dom Zefi. Ama vuajta. Vuajtja dhunën dhe represionin serb. U flaka në burgjet serbe, në çelitë e lagështa e të errëta, ku nuk hynte aspak rrezja e diellit. U torturova dhe u detyrova të degdisem përtej Atlantikut. Mendova se vuajtjet e mia do të merrnin fund. Por, kur pas shumë vitesh, me vështirësi, u rehatova në një punë që më sillte më pranë atdheut, për fat të keq, konstatova se kishim probleme të mëdha, si popull. Armiqësinë më të madhe e kishim me njëri-tjetrin”, tha ai.

Tutje, sikurse edhe në librin e tij, Salihu i kushtoi një pjesë të mirë të fjalës së tij punës së Shërbimit Shqip të “Zërit të Amerikës”, ku ka punuar 32 vjet, si gazetar dhe si producent.

“Kam punuar për 32 vite si gazetar i ‘Zërit të Amerikës’. Jam krenar për punën time modeste aty dhe për arritjet që kemi pasur si shërbim në gjuhën shqipe”, tha Salihu.

Por, dëgjueshmërinë dhe popullaritetin e kësaj medieje, Shaqiri nuk ua atribuon gazetarëve të këtij shërbimi, por ua atribuon interesimit të shtetit amerikan për çështjen e Kosovës dhe për çështjen shqiptare në përgjithësi, si edhe ngjarjeve e zhvillimeve në Kosovë e në Shqipëri.

“Lufta në Kosovë dhe ngjarjet e dhunshme në Shqipëri, diskutimi i pavarësisë së Kosovës dhe shpallja e saj, të gjitha këto e tërhoqën vëmendjen e gjithë botës për trevat tona, e tërhoqën sidomos vëmendjen dhe zgjuan interesimin e vendit të madh, miqve tanë, Shteteve të Bashkuara të Amerikës”, theksoi Salihu.

Manifestimi “Ditët e falënderimit të Kosovës për SHBA-të” po vazhdon me shumë aktivitete dedikuar miqësisë shqiptaro-amerikane në shenjë mirënjohjeje për mbështetjen që ka dhënë qeveria amerikane dhe populli amerikan, për lirinë, pavarësinë e vendit tone, me ç’rast sot në Kolegjin ILIRIA prej orës 13:00 mbahet Tryeza “Lobimi i Shqiptaro – Amerikanëve për Kosovën”.

Në Kolegjin ILIRIA u mbajt Tryeza “Lobimi i Shqiptaro – Amerikanëve për Kosovën” dhe Presidentit të SHBA-ve Donald Trump iu dërgua letër urimi për Thanks giving Day

Edhe këtë vit, me shumë sukses u përmbyll manifestimi treditor “Ditët e falënderimit të Kosovës për SHBA-të”, organizuar për 13-të vite rresht nga Kolegji ILIRIA dhe Rinia Stundetore, për të shprehur respektin dhe dashurinë ndaj SHBA-ve dhe popullit amerikan, për rolin të tyre të përhershëm, esencial dhe të pazëvendësueshëm, në çlirimin, pavarësimin dhe shtetndërtimin e Kosovës.

Pas shumë aktiviteteve kulturore e artistike, dedikuar miqësisë shqiptaro – amerikane, si ekspozita me vepra të grafistit të njohur, Fatmir Krypa, e cila qëndroi e hapur për tre ditë në kampusin e Kolegjit ILIRIA, përurimit të librit “Rrëfime Lirie - Shtegtimi i një mësuesi shqiptar nga burgjet serbe te Zëri i Amerikës”, i autorit Shaqir Salihu, në kuadër të këtij manifestimi treditor, dje në ditën përmbyllëse u mbajt edhe Tryeza “Lobimi i Shqiptaro–Amerikanëve për Kosovën”.

Në Tryezën “Lobimi i Shqiptaro –Amerikanëve për Kosovën”, Prof. Dr. Mixhait Reci, President i Kolegjit ILIRIA, Prof. Dr. Isak Shema, Rektor i Kolegjit ILIRIA, Dr. Naim Dedushaj, lobues Shqiptaro-amerikan gjatë viteve të 90-ta, ideator i themelimit të “Rrjetit të Bizneseve të Diasporës Shqiptare”, Dr. Samet Dalipi, Dekan në Kolegjin ILIRIA, z. Agim Rexhepi nga Shoqata “Miqtë e Amerikës”, si dhe shumë profesorë dhe studiues të tjerë, diskutuan më shumë rreth lobimit të Shqiptaro –Amerikanëve për Kosovën, dhe për rolin e SHBA-ve dhe popullit amerikan në pavarësimin dhe shtetndërtimin e Kosovës.

Presidenti i Kolegjit ILIRIA, Prof. Dr Mixhait Reçi, themelues i manifestimit: Ditet e famenderimit të Kosovës për SHBA-të, në hapje të kësaj tryeze, foli për rëndësinë e kontributit të shqiptarëve të Amerikës për vendin tonë.

“Ditët e falënderimit të Kosovës për SHBA-të, një manifestim disa ditor, me aktivitetet më të mëdha që organizohen në Kosovë, si shenjë falenderimi për Shtetet e Bashkuara të Amerikës dhe ndihmës së tyre për Kosovën. Ndërkaq sot jemi mbledhur këtu në tryezën “Lobimi i Shqipëtaro –Amerikanëve për Kosovën”, sepse ne ndihemi krenar për kontributin e shqiptarëve të Amerikës për vendin tone, puna e tyrë është shume e veçantë dhe ka dhënë shmë rezultat, andaj asnjëherë nuk duhet kurrë të harrojmë sakrificën e tyre për Pavarësinë e Kosovës. Unë e dua Amerikanë, sepse e dua vendin tim. Unë e dua amerikën sepse e dua familjen time, unë e dua amerikën sepse i dua studentët e mi.”, ishën këto fjalët e Prof. Dr Mixhait Reçi.

Edhe Prof. Dr. Isak Shema, Rektori i Kolegjit ILIRIA foli për rëndësinë e lobimit të shqiptaro-amerikanëve për Kosovën, dhe theksoi rëndësinë e vazhdimit të këtij lobimi për vendin tonë.

“Jemi këtu së bashku për të diskutuar një temë tepër të rëndësishme për të sotmën dhe të ardhmen tonë. Cështja e lobimit të mëtejshëm në SHBA nga gjithë shqiptarët që jetojnë në Amerikë dhe në të gjitha viset shqiptare, bashkëpunimi me ata që kanë rol shumë të madh në Amerikë për zgjidhjen e çështjeve tepër të rëndësishme që lidhen me ardhmërinë tonë, kombin tonë, planin politik, diplomatik, kulturor, shkencor, universal. Kjo na bënë që jo vetëm ne si profesorë të Kolegjit ILIRIA, i cili ka një veprimtari shumë të çmuar, por të na bënë të gjithëve, studentë, qytetarë, të kemi një vision të qartë për rëndësinë e SHBA-ve për vendin tonë. Për të ndriquar këtë dimension, vlerësoj se diskutimet tona vecanërisht të ekspertëve që merren me këtë çështje të cilët kemi kënaqësinë t’i kemi sot në Kolegjin ILIRA, janë të rëndësishme për forcimin e këtoj dimensioni.”, tha Prof.Dr Isak Shema.

Një prej folsëve më kompetent në Tryezën “Lobimi i Shqiptaro- Amerikanëve për Kosovën” ishte edhe Naim Dedushaj lobues Shqiptaro – Amerikan i viteve të 90-ta, ideator i themelimit të rrjeteve të bizneseve të diasporës shqiptare, poashtu edhe një prej ideatorëve të manifestimit: Ditët e falenderimit të Kosovës për SHBA-të, i cili ka thënë një kontribut të madh në bashkimin e shqiptarëve të disaporës në biznes dhe fuqizimin e tyre.

“Jam shumë i nderuar që jam sot këtu me ju, me profesorët e nderuar dhe të gjithë ju student e qytetarë. Një kohë kam jetuar në Amerikë, edhe pse tash jetoj në shumicën e kohës në Kosovë, jam munduar të jap një kontribut. Mendoj se sot është një ditë veçantë për Amerikën, java e fundit e nëntorit që festohet Thanksgiving – Dita e falenderimeve, e cila daton nga viti 1789, pra sot është një ditë falenderimi për familjen, për miqtë, gjatë periudhës kur Amerika ka kaluar në kohë të rënda dhe pikërisht sot këtu në Kosovë në Kolegjin ILIRIA, përmes këtij organizimi nga Profesor Reci, ne falenderojmë Amerikën”, tha Naim Dedushaj.

“Për të folur për lobimin shqiptar në Amerikë duhet të flasim me ditë të tëra, por Do të shkëmbejë disa punë që janë bërë në periudhën e viteve 1991 – 2000, si udhëheqës i zyres në Amerikë që është quajtur zyre e Kosovës, një zyrë historike për popullin e Kosovës. Lobimi Shqiptar në Amerikë daton qysh në kohën e presidentit Ëillson. Nga kjo periudhë shqiptarët e Amerikës asnjëherë nuk u ndalen në themelimin e shtetit shqiptar.

Gjatë dhjetë viteve të fundit, e mbledhëm një pjesë të dokumenteve të dërgohet në muze, që të përcillen në gjeneratat e reja për të treguar se çka kanë kontribuar shqiptarët në Amerikë, por fatkeqësisht ai muze nuk u bë ende dhe mbetet që një ditë të bëhet dhe ato dokumente dhe materiale origjinale ti shihni gjithë ju dhe të gjithë të krenoheni”, tha tutje Naim Dedushaj.

Ndërsa Agim Rexhepi, Kryetar dhe themelues i shoqatës “Miqtë e Amerikës” tregoi më shumë rreth kësaj shoqate dhe lobimit të tyre për Kosovën dhe ndihmënë e SHBA-ve dhënë Kosovës.

“Ju përgëzoj për iniciativën, jam i nderuar që jam pjesëmarrës i kësaj Tryeze. Ne si shoqatë jemi themeluar në vitin 2004, jemi një ndër shoqatat më të fuqishme jo vetëm në Kosovë por edhe në rajon. Pa ndihmën e SHBA-ve aspiratat tona as shtetërore as nacionale nuk kishim mundur t’i realizojmë, por ato janë realizuar me punën e shqiptaro – amerikanëve dhe lobimeve që janë bërë edhe në Evropë. Punë të jashtëzakonshme të lobimit në Amerikë ka bërë Fan Noli, Faik Konica, Këshilli Shqiptaro – Amerikan, kanë edhe shqiptaro – amerikanët të tjerë por edhe gjithë qytetarët që në mënyrë vullnetare kanë dalur në protesta, të cilët kanë bërë një punë të mrekullueshme”, tha Agim Rexhepi.

Edhe Agim Rexhepi, Kryetar dhe themelues i shoqatës “Miqtë e Amerikës” mendon se hapja e një muzeu me dokumente që tregojnë çka kanë kontribuar shqiptarët në Amerikë, është ide shumë e mirë.

Ndër të tjera në këtë takim u vendos të nderohet figura e shquar shqiptaro – amerikane, Tahir Kërrnaja, i njohur si “Babë Tahiri” i cili tërë jetën ia Kosoves. Gjatë vitit 2019 të mbahet një seminar ku do të ftohen të gjithë lobistët shqiptaro –amerikan, dhe do të ndertohet shtatorja e tij në varrezat e Prishtinës, ku tashmë pushon trupi i Tahir Kërrnajës.

Pas Tryezës “Lobimi i Shqiptaro–Amerikanëve për Kosovën”, në kuadër të manifestimit: Ditët e falenderimit të Kosovës për SHBA-të, e cila ishte e hapur për publikun, në Kampusin e Kolegjit ILIRA të hapur për studentët, profesorët, dhe për qytetarë, u shfaqën edhe disa filma e dokumentarë të njohur të kinematografisë amerikane, dhe me pas të gjithë patën mundësi të takohen në një koktej të organizuar për Ditën e Falenderimeve për SHBA-të.

Dita e falënderimeve ose Thanksgiving Day është një festë shumë e madhe amerikane e cila në SHBA festohet të enjten e katërt të nëntorit. Dita e falënderimeve e shpallur nga Gjorgj Uashington, ka filluar të festohet që nga viti 1789.

Thanksgiving Day festohet edhe në Shqipëri e Kosovë, me ç’rast Kolegji ILIRIA në ditën përmbyllëse të manifestimit treditor: Ditët e falenderimit të Kosovës për SHBA-të, i ka dërguar një letër urimi për Thanksgiving Day Presidentit të SHBA-ve, Donald Trump, ku e ka njoftuar edhe për manifestimin tradicional: Ditët e falenderimitë të Kosovës për SHBA-të, të cilin Kolegji ILIRIA bashkë me Rininë stundentore e organizojnë për 13-të vite resht, si shenjë falenderimi e respekti për SHBA-të.

ILIRIA SIS

toeic_412578405.png

Vis Pre-Moot

 

Erasmus+ në Kolegjin ILIRIA

Klinika Juridike në Kolegjin ILIRIA, Gara e Arbitrazhit ne Vienë

Klubi i menaxhimit të projekteve në Kolegjin ILIRIA

Klubi i Programerëve dhe Robotikës në Kolegjin ILIRIA

Klinika Juridike në Kolegjin ILIRIA, Ndihmë Juridike Falas

Qendra e Biznesit në Kolegjin ILIRIA

Vizite studimore e studentëve të Kolegjit ILIRIA në korporatën "RUGOVE"

Studentët e Kolegjit ILIRIA realizuan vizitë studimore në fabrikën e produkteve ”Pi&Ki”, Elkos Group

Publikimet & Njoftimet